مجنونه بجد
الشاعر جودة سالم
لو فاكرة إنى هحبك تبقى
مجنونة بجد
أنا بعد إللى أنا شفته معاكى
مهحبش حد
أنت إللى غدرتى كتير بيا
وغدرتى بقلبى وبعنيا
وبحاول اداوى جراح فيا
والحلم اتهد
لو فاكرة إنى هحبك تبقى
مجنونة بجد
أنا قدت صوابعى عشان تبقى
عايشة ومبسوطة
اتارينى بقت جوه حكاية
فعلا مظبوطة
طب قولى إنك كنت معايا
فرقة تمثيل
قال وأنا مخدوع وعشان خاطرك
سهران الليل
والله لاسيبك ولا هسأل
ولا يوم راح أرد
لو فاكرة إنى هحبك تبقى
مجنونة بجد
أنا حقى أكيد بكره راح اخده
من لوم الناس
أصلى أنا حبيتك ولقيتك
من غير إحساس
ومسيرك تلقى إللى يخلص
حقى بإخلاص
طب روحى الله لا يسهلك
ولا تلقى امان
دا انتى إللى قتلتى الشوق فيا
والقلب كمان
لا هيقدر ينسى جراح ياما
ومسيره يرد
لو فاكرة إنى هحبك تبقى
مجنونة بجد
ليست هناك تعليقات
إرسال تعليق